Da wird gfiggt: Ode an z’Wallis
niemert wird dich schriibu
Oh walliser Poesie
Wer dich liebt
Liebt dich zu fest
Wer dich hasst
Redut nimma mit dier
Wenn der wind vone bärge
Nix bringt
Und der ladu vom Peerli ish züe
Was bliibt der da gross no z‘vercheufo
Ohni Kamera, Drucker und Hind
Und dü treish diis Ressentiment, prächtig
Und dü grüezinosh täglich bim schaffu
Und die Chind sägent dü redasch komisch
Und d‘Erwaggsnu fetishierent
Z‘lachu, wennt seish bish vom Wallis
Dir redet so cool, seg mal öpis
Der Porto in dier will nur flüecho
In der Schule wird nur Deutsch gesprochen
Heimlich will jedes en Wälsh shii
Aber z‘Vieri in Franz bringt halt nix
Und die Blüema im Stocki sind vollbepisst
Wie die Strophä, im Scala verchotzt
Wenn nit Grindji, de Gätsch oder Gampel
Da wird gfiggt
Da wird gfiggt
Da wird gfiggt
Und wenn nit, Bro,
De geh wer ga schlegro
Da wird gfiggt
Da wird gfiggt
Da wird gfiggt
Aber gfiggt wird nur der, wo nit geit
Oder geit und nit merkt was er ish
Dü versteish wo dü gläbt hesh ersh de
Wennt ind Stadt geish und merksh dü bish niemert
Dü bish nix, wie der Kiosk am Bahnhof
Dü bish nix, wie die Autos am Morgu
Dü bish nix, wie diis Cash endi Monat
Sogar Bättelndi heind ihru Platz
Und das Grüezi ish meistens vo Zürich
Und wenn nit, de sinsh meistens no chillig
"I bi Belalp gsi, jedes Jahr, früehner“
Doch dü weish nit emal wo das ish
Embrüf und embri kennensh immer
Portugies? In Zermatt? Hani nöt gwüsst
Finds schad redsh du net eso
In der Schule spricht man halt Deutsch
Es git keis dystopischers Täli
Es Prag, ohni Kafka, mit Bier
En Gsellschaft mit Jossis wo strugglent
Touriste, beschäftigti Nannies
Fridu dene Bärge
Aber Chrieg de ganzo Chirche
Es git Nepotismus uberall
jetz schwurblensh wägem Gold
Und z‘Mutterhorn git immer Milch
Ich lutscho jedes jahr mal dra
Und wennmers nimma leistu cha
De gahni mal ins Saas
Im schlimmstu fall, kei plan, Tessin
Ish billiger war sush eswa
und trotzdem tiir, mit SBB
doch immerhin giz Sunna
Jubla, bis der Racist chunnt
Diini Capri Sonne klaut
Und dich ahfiggt wenn dü Hostia nimmsh
Dü bish kei katholik
Dü bish Joyce
Und dü bish Proust
Und dü bish immerno en Rapper
Und kei Dan Daniell schriibt jemals uber z‘Horu
Wie Adorno
Und kei Rennskifahrer hilft nish
Wenns jetz jährlich chunnt cho rutscho
Das hets immer gäh
Seit jede fucking Skilehrer wo triicht
Und wer triicht ish nit ganz süber
Und wer nit triicht meints nit ärnsht
Und wer kifft ish grad der Tiifel
Und wer rupft chunt immer mit
Hesh mer Gäld? Ich gahn ins Jugi
Hesh mer Gäld? Ich wellti Heim
Hesh mer Gäld? Ich brücho Zigis
Hesh mer Zigis? Leider keis
Hesh es Rauchi? Hesh es Füfi?
Hesh en Lappu? Hesh eswas?
Hesh dü epis?
Hesh dü epis?
Friehner Whatsapp,
Jeda Donnstag
Sorry nix meh :/
Leider nit
Ha nix, sorry
Jedes mal
Irgendwie, ganz spat, da mäldut shich
En Engel
Und dü schlafsch
Liebert tot als niechtern, Briedri
Darum chani eu nit gendru
Lüeg embrüf
Ich weiss
Ich weiss
Es bringt d‘Strophä durchenand
Und die Namä sind vo Männer
Wer ish Dworkin, Davis, Hooks?
Leider weiss ich leider zwenig
Leider leider
Chush ins De La
Ich bi gäru nimma zBrig
Aber sienta fehlts mer sho
Es ish chlei
Mit nix z‘erwartu
Und die Mediathek ish gross
Als Zermatter machtsh mi neidisch
iishi Bibliothek ish chlei
Und der Bäum im Park längt nit
Es brücht meh wo Gäld im Dorf
